العمل الابيض والاسود وعقوبة التهرب الضريبي والعمل بدون تراخيص في ألمانيا ؟

img
  • الشغل باﻷبيض … الشغل بالأسود
    وصلتنا الكثير من الاستفسارات عن معنى هذين المصطلحين الذين لم نسمع بهما في بلداننا لكن الكل صار خبيرا في هذا المجال بعد أن قدم إلى أوروبا…
    و لايضاح الفرق بينهما و سلبيات كل منها و ايجابيتها لم نجد خيرا من تعليق الأخ هفراز عثمان الذي أبدى رأيه بهما فقال :
    أكيد الشغل بالأسود رح يجبلك مصاري بسرعة و هاد هو الشيء الإيجابي الوحيد
  • فيها اللي بيشد كتير من شبابنا …
  • و كتير منون يا أما ما بيعرف يا أما عم يتجاهل النواحي السلبية بالشغل الأسود و ما بيعرف بالمرة الاجابيات و الفوائد اللي ممكن يحصل عليها لو سلك غير هالطريق ……
  • أولا لما عم تشتغل بالأسود عم تعرض نفسك لخطر المخالفة و ياما ناس تغرمت بسبب هالموضوع ( فوق الألف يورو *)
  • يعني كتير أحيان المصريات اللي طالعون ازا ما حطون مخالفة بعدين بيحطن وجع راس و قلب مع الحكومة , عدا عن هالشي الواحد كتير من الناس بتشتغل بالأسود و بتعلق فيه سنين
  • و النتيجة شخص ما بيعرف يحكي ألماني متل العالم و الناس و نظرة المجتمع الو اغلب الأوقات دونية و الندم بيجي بعدين بس بعد ما يفوت الأوان ,
  • نحنا بالمانيا مو بسوريا هالوقت ..هالسنين اللي بتروحها شغل بالأسود و خصوصا أول فترة بالمانيا ( مع أو بعد دورة اللغة ) استغلها انك تعمل معهد مثلاً.. بشي انتا شاطر فيه و بتحبو شو ما ان ,
  • هون المانيا مو سوريا! هون فيك تدرس أي شي بدك ياه ( أي شيْ) و دائما عندك دعم و مساعدة من الدولة و بعد ما تخلص سواءا كان معهد سنة أو تلاتة عندك مجال تتطور و تتقدم بمهنك (في حال ما عندك بكلوريا او اي شهادة تانية ) ..
  • بهالحالة انتا عم تتضمن مستقبلك يعني بعد 5 سنين شغل اسود رح يكون شغلك متل ما هو تعب و ارهاق و لكن لما يكون عندك وظيفة رح يكون الوضع مختلف تماماً
  • و كل ما تقدمت بوظيفتك كل ما كان شغلك اسهل و مصاريك أكتر … و الأهم من هالشي كلو رح تكون ألمانيتك قوية و رح يكون اندماجك أكبر مع المجتمع هالشي بيعطي راحة نفسية كبيرة و بيعطي عنك و عن أهل بلدك صورة راقية ..
  • كمان رح تتضمن بالمستقبل كتير شغلات متل الجنسية تأمين صحي محترم راتب تقاعدي محترم , قروض , بيت فخم …الخ الخ اشيا اللي عم يشتغل بالأسود طول عمرو مو سمعان فيها …
  • الحديث يطول بهالموضوع ما بيخلص و لكن ازا انت/ انتي بصحة و عافية مخلص دورة اللغة لا تتضيع كل وقتك بالشغل الأسود لانو بالمستقبل رح تندم كتير
  • للتعرف على العقوبات اليك الرابط
  • berlin.de/sen/arbeit/berlinarbeit-ziel-2/schwarzarbeitsbekaempfung/strafen-und-bussgelder/
  • العمل بالأسود هكذا يسمى العمل في ألمانيا بدون رخصة عمل أو اذن عمل على عكس البلدان الأخرى في افريقيا و اسيا و دول الشرق الأوسط
  • حيث يتعرض الفرد الذي يزاول أي مهنة بالأسود ودون موافقة  إلى غرامة مالية كبيرة
  • وبعض الأحيان إلى السجن حيث يعد مخالفا لقانون الضرائب و الضمان الاجتماعي ,
  • حيث يعد نظام الضرائب في ألمانيا قوي ومعقد ويتوجب على كل مواطن ألماني دفع الضرائب كما يتوجب لك شخص اجنبي يعمل على الأراضي الألمانية دفع الضرائب
  • و التهرب منه يؤدي الى عقوبات شديدة جدا  غرامات مالية  كبيرة و سجن  في أغلب الأوقات .
  • لذلك ينصح للاجئين في ألمانيا العمل ضمن القانون
  • وعدم العمل بالأسود و دفع المستحقات من الضرائب وعدم مخالفة القانون لتجنب العواقب و الترحيل في بعض الأحيان

الكاتب hosammoheb

hosammoheb

مواضيع متعلقة

اترك رداً